崔建邦今年8月搭上中巴混血o靚模鄺敏慧，短短幾個月已愛得火熱，二人更到澳門預支蜜月。可是近日情變，崔建邦怒打女友，鄺敏慧不甘受辱，自揭過去幾個月的甜蜜生活，還公開崔建邦熱烈追求她時寄給她的肉麻短訊和情書。
o靚模鄺敏慧昨午在位於炮台山的經理人公司開記者會，大爆二人短暫的拍拖甜蜜史，她除了公開與崔建邦的親密合照外，還有肉麻短訊和情書，可惜此情不再。
鄺敏慧昨午一臉憔悴現身，她先否認介入崔建邦和唐詩詠的戀情，她說：「我哋識咗冇一個月就拍拖，係佢追我，8月29日開始拍拖，佢話畀我聽分咗手，仲畀佢同唐詩詠嘅分手短訊我睇，而且又帶我見晒佢啲屋企人，包括佢爸爸媽媽，我見過先一齊。」鄺敏慧指自己母親都見過崔建邦，她說：「媽咪覺得佢好尊重長輩，話佢好客氣，冇估到佢會咁做。」
「我的可愛女人」
崔建邦冧女有一手，鄺敏慧昨日公開手機內過去幾個月曾收過他發送的多個愛的短訊，當他們拍拖一個月，即9月29日便收到崔建邦的短訊：「一個月記（紀）念快樂。」他不但稱呼鄺敏慧為BB，還說：「Iloveutoo，因為你我這一集做得好很多。」鄺敏慧更直認今年9月17日曾跟崔建邦到澳門威尼斯人度假兩天，情到濃時，崔建邦更親手用酒店的memo紙寫情書相送，崔建邦說：「Loveuin澳門，我愛你日日抱緊你，手拖手天上飛，你是我的可愛女人。」
本月13日是鄺敏慧的20歲生日，崔建邦當時還與壽星女糖黐豆共度，二人更齊齊切蛋糕。鄺敏慧表示最終因性格不合才分手，不過拍拖期間，鄺敏慧甘願做他背後的女人，她說：「我同佢一齊，我係幫佢隱瞞我哋拍拖，人哋問我都話唔會同佢一齊，佢係有知名度嘅藝人，我冇諗過公開。」
鄺敏慧直認盲目，她說：「我會容忍佢，鍾意係盲目，我信佢肯為我改。」被打事件後，鄺敏慧表示下一段感情會小心。問仍鍾意崔建邦？她說：「唔知，唔清楚自己嘅感覺。」
採訪：胡比 攝影：陳順禎
全城熱話：「識功夫更加唔應該打人」
崔建邦和o靚模鄺敏慧閃電拍拖，前日因鄺敏慧提分手，崔建邦涉打人被捕，粗暴舉動令不少藝人驚訝。
趙碩之
我諗佢都係一時衝動，男仔打女仔唔好，我有朋友同崔建邦一齊學功夫，佢識功夫更加唔應該郁手打人。
薛凱琪
我覺得拍拖男女雙方都唔應該動手，當然接受唔到男打女，一齊得就要愛對方。
鄧麗欣
男仔要有風度，大家有乜可以傾，冇乜嘢唔可以解決。成年人，有乜咪攤出嚟講。如果我嘅另一半係咁，或者都係一時衝動，去到好嚴重，受傷先報警。
莊思敏
家啲o靚模做嘢有其他目的，睇報紙，女仔冇乜表面傷痕，如果真係俾人打，點解唔即時報警？
江若琳
作為男仔，無論點衝動都唔應該出手打人
