煲呔最新民望數字輕微反彈，但顯然未回復上升軌道，市民唔滿意佢，連公務員都作反，暗中「唱衰」煲呔。
免費入場
歡迎各路人馬加入、以諷刺時弊為宗旨嘅投訴合唱團，今晚喺屯門公園露天劇場舉行「聖誕佳音樂繽FUN」活動。合唱團負責人Addis同八方講，今次係透過浸大視覺藝術院「埋位屯門」展覽申請喺公園內演出，康文署要求合唱團提供歌詞過目，雖然新歌《黑色聖誕街音》入面有句歌詞針對特首，「煲呔好屎，求耶穌救命」，不過冇遭康文署留難。明知投訴合唱團歌詞內容勁插特首，對特區政府只有唱衰、永冇唱好，康文署都竟然開綠燈畀佢哋在屯門公園公開表演，仲唔係作反？領導康文署嘅民政局德成局長，究竟有乜陰謀？
呢場表演今晚7點開始，9點結束，免費入場，除咗投訴合唱團，仲有地區唱家班唱懷舊金曲，又有本地獨立樂隊「神奇膠」登台。