《信報》主筆練乙錚明年初停寫每日專欄，好多fans關心其去向，前日佢舉行新書簽名會，透露退休後會繼續進修增值，而佢一直對法律感興趣，相信會向呢方面下工夫。
練總自言擱筆乃因身心俱疲，一星期最少寫12,000字，篇篇題目唔同，每日搜集、分析資料十分花時間精力，每天工作12至18個鐘頭，如此非人生活實在太吃力，所以決定擱筆。另一原因係覺得自己江郎才盡，佢謙稱好多題目都寫過，冇新資料、新角度，與其炒冷飯，不如不寫。據知練總下月初會出席記協每月飯局，同行家聚一聚，據八方了解，行家反應極度踴躍，恐怕向隅者無數，唔知練總有冇時間加場呢？