近日陳柏宇出咗新碟，咁梗要四出宣傳吓，噚日佢去新城接受訪問時講到平安夜下晝會搞個音樂會同fans一齊慶祝，與眾同樂。身為Sony嘅歌手，因為公司同無綫因版稅鬧翻，暫時都唔會亮相TVB，陳柏宇話好明顯係少咗嘢做，但係佳節當前佢就當唞吓啦。問陳柏宇唔上TVB會唔會亮相其他電視台嘅節目？佢就話一切都係等公司決定。