花旗股市前晚升幅擴大，終於刺激港股反彈，打斷5連跌嘅走勢，恒指收市升幅雖然收窄，但係仲有143點升幅，返回21000之上，算係穩住個勢，雖然成交好奀，但係長假臨近，市況難免會靜啲。
政府下周一拍地，但仲未見地產股郁動，不過隻滙控（005）就好似想炒上，可以諗吓相關C輪，博正股升上95元。
滙控C輪18238：滙控（005）昨收87.15元，升0.7%。股價前日跌穿100日線，噚日反彈，有機會營造島形底，可以買啲C輪18238。
隻輪現價8.4仙，2010年11月30日到期，行使價92.593元，溢價15.1%，引伸波幅32.8%，有效槓桿5.1倍，正股升上95元，18238有機見12.7仙，如果正股跌穿83.50元，就沽咗隻輪止蝕。
俊樺