庾澄慶（哈林左）早前接受有線娛樂新聞台節目《大娛堂》區永權（右）嘅訪問，講吓佢嚟香港做節目主持嘅趣事，哈林仲話鍾意喺香港過聖誕，因為好有節日氣氛，台灣連聖誕假都冇。講到佢以深海做主題嘅香港個唱，佢話搵咗周秀娜做美人魚，哈林仲話：「海底世界有美人魚很正常，我的演唱會很健康的，我可能安排美人魚穿皮褸呢。」唔通哈林驚冷親周秀娜？