花旗股市上禮拜五回升，科技股走勢甚強，投資者憧憬科技行業復蘇大舉入市，納指成交顯著增加係最值得留意嘅地方，無獨有偶，道指成交都好大，股市開展反彈有咁大成交，呢個禮拜美股可以睇好。
港股上日喺低位有轉穩迹象，如果花旗股市炒上，恒指喺年結前收復部份失地應該冇問題。
財險C輪18000：中國財險（2328）上周五報收6.84元，升0.7%。股價跌近20日線回升，成交增加，好大機會回試7.55元高位，破位睇8元，可以諗吓隻C輪18000。
隻輪現價14仙，2010年12月30日到期，行使價8.09元，溢價38.7%，引伸波幅65.3%，有效槓桿2.6倍，正股見8元，18000睇20.2仙，正股跌穿6.35元，就沽咗隻輪止蝕。
俊樺