梁洛施（Isabella）近日攜子李長治由美國秘密返港探親，她日前與男友李澤楷和囝囝跟好友譚耀文一家三口飯敍，阿譚大讚Isabella湊仔技巧純熟，是個勤力媽咪。
梁洛施與富豪男友李澤楷相戀，今年4月更誕下兒子李長治，3周前由李澤楷坐私人飛機接兩母子由美國低調回港，Isabella行蹤成謎，她此行回港，曾與已為人父的圈中好友譚耀文見面，順道交流湊仔心得。
長治黐實媽咪
Isabella與阿譚私交甚篤，這次攜子回港探爺爺李嘉誠之餘，更與男友和囝囝抽空跟阿譚一家三口吃飯。阿譚大讚7個多月大的小長治精靈活潑，正在上海的他昨日在電話中說：「我好想抱佢，但嗰晚可能夜咗少少，佢開始眼瞓，成晚黐住媽咪，我摸過長治隻手仔，Isabella對囝囝寸步不離。」阿譚指Isabella湊仔技巧純熟：「Isabella真係一個好獨立、好勤力嘅女仔。」
問到阿譚可八卦一下Isabella是否再有造人計劃，他說：「佢嘅私人嘢，我又唔方便講。」阿譚又說：「佢好長情，每次返香港都會搵我食飯，佢之前參加過我囝囝嘅生日會。」
Isabella另一好友楊丞琳獲悉Isabella母子回港探親，她昨日在台灣說：「她有告訴我回香港的時間，還問我何時去香港宣傳，讓我看她的小孩。」楊丞琳又表示Isabella邀她加入facebook，可看小長治新照片，但她沒有賬戶。
李澤楷：多謝關心
Isabella母子回港消息曝光，一家三口難免成為追訪目標，李澤楷昨日說：「多謝各位傳媒朋友關心，亦希望大家可以讓我們有一點寧靜的私人空間，非常感謝。」
蔡卓妍（阿Sa）昨日在九龍灣出席新城活動，她謂有看本報刊登前同事Isabella與兒子近照，阿Sa說：「冇聯絡，都好戥佢開心，佢比我識佢時飽滿咗，幸福兩個字鑿咗喺佢塊面咁。」有指阿Sa也可以，她說：「我未有咁好福氣。」
採訪：比華利、黎寶蘋
