看《十月圍城》，別有用心，對號入座的話，會看出很多點子。
一、革命不是請客吃飯，香港人請唔起，只有陪死份兒。追求民主啊，是不合有錢人的，因為個個有錢人都會認為，自己條命矜貴過孫中山。
二、生意佬數口精，女人任搞，卻絕對不能搞民主、革命。個仔永遠都係生意佬，即係，永遠唔會造反，阿爺，收到未？
三、造反會絕子絕孫啊，鼓吹民主雙普選那些泛民，滿口改革，就像陳少白，搵人個獨生子去送死，自己苟延殘命。
四、革命拋頭顱灑熱血累街坊。香港人雖然中意穿中山裝，但冇咁天真與儍。睇吓醫科幾多醒目叻精就知。失手醫死人時，即刻賴孫文上身，革命上腦，病人就係慷慨赴義。
五、家長識驚睇緊個仔，唔俾佢睇戲，不過番書仔反問阿媽，孫文係咪歌星？
六、孫文生不逢時，假如有internet，在夏威夷革命總部發施號令就得。但早生有早生好，今時今日在中國或者伊朗造反，千千萬萬個孫中山都會死無葬身之地。
七、香港政圈不少人有疑似孫文的身高，自覺能演活孫公，有戲；尤其是遭傳媒「天下圍攻」之時，就會滿腦子起義！