X'MAS派對　浮‧飾

小記一直是誇張頭飾擁戴者，但卻未能有太多人欣賞……有時候，只是戴一個稍為誇張少少的頭飾，就要遭到身邊人士的白眼與取笑！說句公道話，誇張頭飾或（稍為誇張的）是一件很有用的styling工具，它可以令你減少整頭時間、襯衫時間之餘，同時又令你得到眾多的注目禮，基本上只有得益，並無損失！

記者︰吳美美
攝影︰陳陶鈞　Model︰Luise@Jamcast
Makeup︰Celia（http://hk.myblog.yahoo.com/willormakeup）
Hair︰ZapTag@Xenter

Steps

①首先，將大約在耳朵位置以下的頭髮，用髮夾夾鬈，鬈曲程度視乎自己喜好。

②在兩邊的劉海位置，各邊取起一束頭髮，擯成小辮子，請留意，若是瓜子面形，可取較多的髮束，若顴骨較高的，可取較少的髮束。

③最後，將髮尾位置的頭髮用梳削鬆，造成蓬鬆效果。

髮飾襯髮

補充以上所提到的，誇張頭飾可以節省平日出街整裝時間，因為你全身已經有了焦點，其餘的都可以走簡約為主，以凸顯髮飾但大時大節例外，平時已經省時間，無理由去X'masparty前都唔花些少心思準備o架！去Party小記依然推介利用誇張頭飾，但襯髮上就要有所不同，當然啦，小記亦都知，太過繁複嘅髮型都未為香港女士所接受，OK，今次就準備兩款簡易set頭方法，睇睇點整先最襯。

髮型師出髮飾

小記相信，誇張髮飾是可以在港hit起的，只要大家先要放棄歧視目光。現時，專賣誇張髮飾的地方並唔多，ER已經算是最早引入的店舖，反而，人手製作的開始漸漸蒲頭，例如，位於銅鑼灣地帶的TIMBEELOshop，全店都是賣奇形怪狀的衫褲襯飾，當中就有附設髮飾一欄，最吸引，就是黏有蝴蝶的髮飾，雖然細個但好搶眼！再數近期，就有星級髮型師Zap，自家設計的誇張髮飾，經小記驗證，質素唔錯，手工雖未達到細緻，但選擇頗多，選用的顏色亦易於襯衫。