羅凱珊（Kama）昨日在西九龍中心出席模特兒公司活動，在港消失一段日子的她，原來早前往台灣工作，希望未來可以港、台兩地平均發展。問到周秀娜再發功出寫真集，Kama指寫真集出得這麼密便沒有價值，又指自己如JessicaC.一樣有警鐘胸，不過留待夏天才showoff。
羅凱珊、王秀琳（Mango）及陳沛嘉等昨日在西九龍中心出席「Elite模特兒分享會」活動。o靚模在港競爭激烈，Kama卻突然消失了一段日子，她昨日說：「我去咗台灣做嘢呀，仲同一間公司Qui簽咗約，睇吓嗰邊市場啱唔啱我。台灣家拍賣網個市場好犀利，如果可以兩邊兼顧，港台兩地發展就好啦。」問她台灣公司會否要求她行性感？她說：「性感永遠都係養眼啲嘅。」
「都會時有時冇」
記者指其他o靚模密密做，鍾蕙芝（Lavina）等推出性感月曆，周秀娜又再出寫真集吸金，Kama說：「我睇報紙睇過啲月曆相，影得佢哋幾靚吖，不過我覺得寫真集係要有紀念價值先出，成日出就冇價值啦，出嚟係畀fans珍藏o架嘛。」
再問有否留意近期冒起的JessicaC.，其警鐘胸被指時大時細，她說：「我都係警鐘胸o架，都會時有時冇，冬天凍就收埋，夏天先showoff囉。」
此外，同場的Mango昨日大騷頸上鑽石鏈，她指是一名很熟的男性朋友所送，記者指她這麼輕易收男性的鑽石，她說：「又唔係戒指，我同佢太熟啦，冇機會發展，佢都冇同我表白，就算係我都會拒絕佢。」
Mango自認超齡
再問到郭富城計劃開公司一事，Mango說：「就算係都冇我份，我唔夠後生超晒齡啦，而且我同公司仲有約。」會否買聖誕禮物或SMS給城城？她說：「所有喺我phonelist嘅朋友都會send，佢係onlist嘅。」
採訪、攝影：RitaLeung