今年5月入院做頸部手術嘅黏多醣症小鬥士馬歷生，住院6個月後早前終於出院。馬歷生手術後身體恢復得幾好，活動能力亦恢復得差不多。手術前，歷生就讀普通中文中學中四班，成績名列前茅，由於手術後喺頸部開咗一個造口，方便呼吸同抽痰，所以暫時仲未能講嘢，只能夠返下午班。
師生義助戰會考
歷生家住屯門，就讀浸信會永隆中學中五理科，雖然唔能夠講嘢，但可以用手寫板溝通，歷生好想趕上課程，多得有心人幫助，已有六、七個學生或老師答應為佢補習應付會考，佢父親馬安達話歷生用電腦時要在螢幕將字體放大先睇得清楚，但套軟件要成600蚊美金，即係港幣4,600蚊左右，家下載試用版限期三個月，希望有人可提供資助購買，想幫助呢個小鬥士，可聯絡馬父，電話係98090973。