今年訂座聖誕大餐真傷腦筋，想不到六七百蚊的酒店自助餐也早已爆滿！想吃得平又吃得好，平民食店其實一樣有好推介！蘭芳園今年破格推出聖誕大餐，最平$108，由頭盤至甜品做足四道菜，仲係燈飾熱點尖沙嘴區。
記者：王震遠
攝影：梁細權
模特兒：CC@Zmodel
限量供應兩晚
蘭芳園憑絲襪奶茶聞名，自10月闖出開業過半世紀的中環，在尖沙嘴開分店，吸引不少九龍客幫襯，更推出尖嘴店獨有晚市扒餐，聖誕節更破天荒推出聖誕大餐！蘭芳園充滿懷舊冰室色彩，聖誕大餐卻跟足西餐，有頭盤、湯、主菜、甜品共四道菜，還配招牌奶茶。大餐分A、B兩款，每款有兩個主菜可揀。聖誕餐A$138，頭盤黑魚子玫瑰煙三文魚沙律、海龍皇忌廉湯，主菜有大蝦拼牛柳或聖誕火雞拼煙火腿，二揀一，最後還有芒果布甸，以及咖啡或奶茶。B餐更抵食，每位$108，頭盤是煙火雞雜菜沙律，主菜有鴛鴦扒（豬扒拼雞扒）或扒三文魚，二選一，湯、甜品、餐茶跟A餐一樣。聖誕餐只供應平安夜及聖誕節兩晚，預計只會供應300份，不想錯過，記得預訂。吃過大餐，行過海旁睇尖沙嘴燈飾也不消十分鐘，非常方便！
聖誕大餐A$138
主菜
大蝦跟龍蝦汁拼牛柳跟黃菌汁
大蝦開邊煎香，配香濃龍蝦汁，鮮味十足。牛柳夠厚身，軟熟juicy，牛味濃郁。
主菜
聖誕火雞拼煙火腿跟士多啤梨汁
厚切火雞片配煙火腿，火雞片越越有肉味，跟香甜的醬汁味道很夾。
頭盤
黑魚子玫瑰煙三文魚沙律
煙三文魚捲成玫瑰花，加了黑魚子更帶出鮮味。
甜品
芒果布甸
以忌廉和士多啤梨點綴，賣相不馬虎。布甸跟忌廉同食更覺甜蜜。
聖誕大餐B$108
主菜
扒三文魚跟香檳汁
三文魚扒兩邊輕輕煎熟，外邊香口，中間魚肉多汁味濃，雙重口感很獨特。
頭盤
煙火雞雜菜沙律
煙火雞薄片清淡，配狗牙菜沙律同食，口味清新。
聖誕大餐A、B，包頭盤、主菜（二選一）、湯和甜品（A、B餐一樣），配招牌奶茶。
蘭芳園（23162311）
尖沙嘴重慶大廈活坊地庫26舖
$98任食兩小時檀島肥牛火鍋
茶餐廳是香港人精神的縮影，其創意及適應力強得令人稱奇。出名咖啡和蛋撻雙絕的檀島，今年入冬後再推晚市火鍋。火鍋每位$98，至少兩位入座，即可任點任食兩小時。打邊爐湯底最重要，隨人頭費免費送上的有清湯或皮蛋芫荽湯，想試新口味，只要加$38就可揀醉雞鍋和薑葱魚頭鍋等。食物超過60款，包括人氣美國肥牛、手打丸、蒙古羊肉和草鯇骨腩等。想食得豪氣還有不少優惠價食材，如美國桶蠔和桂花蚌等。火鍋只於中環店推出，供應期有限。
美國肥牛
美國肥牛薄切後最適合打邊爐，雖不是甚麼級數的牛肉，吃起來依然有牛肉味，而且無渣，抵讚。
蒙古羊肉
蒙古羊肉刨成薄片，以湯底輕輕灼過，吸收湯汁後帶有淡淡羶香。
薑葱魚頭鍋另加$38
湯底以魚湯加上炒香的薑和葱同煲，加入鯇魚頭煲四個鐘，魚香味濃，鮮甜香滑。
桂花蚌另加$38/碟
美國桂花蚌每日空運到港，掌握好煮熟的時間，味道鮮甜，質感爽口。
檀島咖啡餅店（25268063）
中環士丹利街33號地下