美國網壇名宿阿加斯（右）之前出咗本自傳，自爆當年曾吸食冰毒，搞到形象插水；阿加斯寫書自白就搞到一身蟻，佢老婆嘉芙（左）就醒好多，用影相訴說內心感受，善心無限嘅嘉芙非常關注小孩子身心健康，搞咗個慈善組織"ChildrenforTomorrow"，而佢早前仲應《國家地理雜誌》邀請，到咗其中一個非洲最貧窮嘅國家厄立特里亞嘅首都阿斯馬拉，用相機拍攝住喺貧民窟嘅小孩子，作品名為《TheChildrenofAsmara》，喺周五就會有得睇。隨行嘅攝影師路維仲話嘉芙好有天份，佢轉行做攝影師將來嘅成就，或者可以拍得住佢90年代叱吒網壇咁，真係威水！