傅穎及鍾蕙芝（Lavina）等一班靚女昨日到將軍澳出席人氣頒獎禮，但受歡迎程度不及亞洲星光大道出身的新人羅力威，Lavina與劉欣宜（ECupBaby）以性感取勝，諸葛梓岐手戴巨鑽，傅穎是日最令人難忘的，看來是誤將「諗緊」說成粗口了。
傅穎、諸葛梓岐、胡心諾（Rainbow）、鍾蕙芝、謝依穎及羅力威等昨日在將軍澳出席「PM人氣之星頒獎禮」，大會頒發「人氣新生IDOL獎」予羅力威，諸葛梓岐獲頒「人氣潮流模特兒大獎」、傅穎得「年度人氣女星大獎」、Lavina與Rainbow則同獲「熱爆話題新生代模特兒大獎」，現場以羅力威的擁躉最多，且最熱烈，連傅穎都被比下去。
諸葛自讚EQ高
傅穎嘆氣表示今年有很多負面新聞，是她最不開心的一年，最大轉變是轉公司，明年她會在造型上來個大突破，她說：「可能唔再戴大眼仔，唔會好似之前咁女性化。」新一年有何大計？她想想說：「諗緊新唱片構思。」但將「諗緊」說成粗口音，隨即更正道：「想緊新唱片構思。」
戴着三卡鑽戒到場的諸葛梓岐，耀眼之極，她否認是男友的求婚戒指，談到有指她之前出席活動，看不過眼同場的汪圓圓衣着比她突出，公主病發向老闆娘投訴，她否認說：「講笑咋，我同老闆娘搞笑，我都有讚汪圓圓靚，我EQ好高o架，唔好講到我發爛渣啦，同我相處過嘅人都知我唔亂發脾氣。」是否只對男友發脾氣？她說：「冇，佢係公子，我都要問佢有冇公子病，不過佢冇。」
Lavina寸袁彌明
Lavina及Rainbow否認出道後負面話題比正面的多，Lavina說：「公司家會投資畀我哋去外國進修做戲，我都想做個全能藝人。」談到有雜誌拍得Rainbow曾與早前捲入藏毒案的o靚模Monique在公園索鼻，Rainbow解釋：「當時係夏天一齊傾搵學校嘅事。」
至於袁彌明批評她們的月曆照片色情，Lavina即反擊說：「我諗袁小姐遇到咁好嘅製作班底都好難抗拒，其實色情同藝術差一線，你思想色情咪睇到色情囉，睇你用乜角度睇啫。」
採訪：李珮洳
攝影：黃文成