盛傳會出院出席澳門慶回歸典禮嘅賭王何鴻燊，一直只聞樓梯響，不見人下來，噚日幾房仔女，好似二房超鳳、超蕸，三房超蓮、猷啟，四房猷亨、超欣先後到醫院探望，三太陳婉珍見到記者時只係揮手，冇答賭王幾時出院。何家繼續派人送篋到醫院，有保鑣拎咗幾袋名店HarveyNichols紙袋上病房，由於賭王隨時出院，所以養和門外噚日多咗記者守候，兩家電視台派埋攝製隊到場採訪，一度有20幾個記者在場。賭王7月跌傷頭留院至今已經第147日，佢一直希望出院返屋企兼出席慶回歸活動，家人仲話佢頻頻練習揮手動作㖭。