幾年前「巴士阿叔」熱爆YouTube，09年版「巴士阿叔」，由國際巨星成龍奪得，YouTube噚日公佈09年香港熱門影片排行榜，榜首係《崖上的波兒》版洗頭水電視廣告，網民惡搞成龍嘅呢條片，八方相信好多人都睇過，真係好精采o架。
第二位係「港女趙燕萍大鬧元朗聯興行」，呢條片由趙燕萍自拍擺上網，本來係唱衰聯興行經理，結果得到廣大網民支持，真正眾望所歸，趙小姐想搞大件事，亦得償所願，可以話係三贏。
薑是老的辣，扮嘢能手盧海鵬喺《香港亂噏》扮周秀娜廣告，睇過嘅人都拍爛手掌，而正版周秀娜街頭撕衫晒32D個廣告，則排第六位，人紅，帶挈埋鵬哥。