噚日送完囡囡返學，趁空檔睇《風雲2》，話晒年少時追漫畫嘅回憶揮之不去，入場睇兩個中佬做戲確好似見番老朋友一樣。好唔好睇？起碼大路線忠於原著、搵眾人心目中嘅華英雄－－勁哥飾演無名簡直係一絕，最緊要係冇咗上集「我嫁咗比佢都可以同你一齊」嘅白癡對白，又或者《中華英雄》彈上月球嘅惹人發笑場面，早場35蚊，都oko架。
諗起聶風、步驚雲，就聯想到迪比亞路、恩沙基，兩個10年前當打射手到今日影響力猶在，祖記正陷低谷，迪比亞路係時候使出「風神腿」救亡。
講句私人嘢，區區上周五好開心，唔係因為劉翔嚟將軍澳比賽，而係見證老死結婚。昌盛，新婚愉快！
藍鑽石
近5場往績：WLWLW
讓球主客和：祖雲達斯勝[-1]
心得：老婦人應該過到快樂聖誕