周星馳有意與中影合作重拍自己的舊作《九品芝麻官》，想不到又鬧雙胞，因當年曾執導《九》片的王晶也計劃開拍《一品芝麻官》，由古天樂做男主角。王晶寸星爺怕輸給他，會放棄開拍。
潮流掀起翻拍周星馳的舊作品熱潮，繼黃百鳴監製的《家有囍事2009》、王晶執導的《大內密探靈靈狗》票房報捷後，向華勝的永盛公司也宣佈開拍《唐伯虎點秋香》續集，星爺看在眼裏，自然是肥水不流別人田，故此他計劃與中影合作重拍《九品芝麻官》、《審死官》與《喜劇之王》等多部舊作。
「版權喺我度」
《九》片導演王晶日前卻強調星爺可以翻拍自己多部舊作品，惟獨這部不可以，因影片版權由他擁有。
王晶明年已打算開拍一連串星爺的舊作品，明年底他會開拍《一品芝麻官》，由古天樂主演，擺明與星爺對着幹，王晶日前接受本報記者訪問時說：「呢部戲嘅故事版權喺我度，我諗佢要開呢部戲，一定要問過我，而我自己就會拍《一品芝麻官》，搵古仔做一個原本係一品嘅大官，後來俾皇帝貶為九品官，但皇帝要佢破奇案，又要佢做番一品大官。」
若然鬧雙胞，問王晶會否感到壓力？他滿有信心說：「星仔搞戲咁慢，我拍完佢可能都未必開得成，仲有以我熟識嘅星仔性格，如果佢明知我開，佢會怕輸畀我冇面，寧願唔拍啦！當年喺邵氏年代，李翰祥同我都想開拍《千王鬥千霸》，結果方逸華就話我哋可以各有各拍，但李翰祥同星仔一樣心態，怕輸畀王晶冇面，最後都係放棄開拍。」
睇好古仔星途
王晶計劃明年翻拍星爺舊作，但下月中他會先開拍一部由古天樂、徐熙媛與范冰冰主演的電影《神燈》，王晶表示看好古仔在影壇的發展，所以公司出年會有多部電影指定由古仔當男主角。
採訪：何永寧
攝影：仇志德