無綫《第二十屆CASH流行曲創作大賽》前晚在將軍澳電視廣播城舉行，原定擔任表演嘉賓的李克勤，因無綫與四間唱片公司的MV及歌曲播放版稅問題率先成為犧牲品。原定由其擔任表演嘉賓慘被取消，並由李樂詩頂替，就連現場派發的場刊都刻意用貼紙遮掩克勤的樣子。
張繼聰戥老婆唔抵
至於忽然又做評判又做表演嘉賓的李樂詩就坦言不知發生甚麼事，她說：「我初頭以為係同克勤一齊表演，家覺得好可惜，因為好耐冇同佢同台演出，我今日先知克勤唔嚟，呢幾日自己都搏晒命練歌。」
此外，張繼聰昨到尖沙嘴出席健康產品活動，對於太太Kay受唱片公司與無綫的版稅問題牽連，有可能緣盡《勁歌》女歌手獎，張繼聰坦言希望事件能早日解決，但他也戥太太不值：「原本有機會攞，但因為呢件事發生而冇獎就唔抵，作為歌手努力一年，唔好扼殺攞獎機會，不過Kay就冇同我呻。」
採訪：何慧斯 攝影：林德雄