上月燈神
聖誕檔期有幾齣大片，其中改編自本地漫畫嘅《風雲》，就係事隔十年再次被搬上大銀幕。好多人認為《風雲》係馬榮成老師嘅代表作，不過我覺得係《中華英雄》至真。雖然，《中華英雄》因為馬sir離開舊公司而搞到爛尾，但由佢主理期間，無論畫功抑或故事都係一流。
《中華英雄》早幾年被拍成電影，但查實喺好多年前經已有電視版，而且仲有兩輯，華英雄一角仲係由喺《風雲2》飾演無名嘅何家勁嚟做。由於《中華英雄》電視版係二奶台拍嘅，所以收視麻麻，不過選角選得好好。
若然有睇過原著，十居其九都會話何家勁同華英雄超似樣，贏由伊健扮嘅華英雄九條街；另外由尹天照飾演司徒莫問，亦係一絕。真係希望二奶台可以喺深夜時段，重播番呢齣經典電視劇。
之前曼聯再幫我攞番個W，今次我嘅選擇都係着紅衫，不過就唔係曼聯，而係拜仁慕尼黑，捧佢哋用勝利嚟完結上半季德甲。
青蛙仔
近5場往績：WWLLL
讓球主客和：拜仁慕尼黑勝[-1]
心得：哈化頹到爆，作客拜仁聽劏