雖然《阿凡達》來勢洶洶，不過呢個聖誕檔期我最期望嘅西片，反而係《神探福爾摩斯》，無他，我一向好欣賞羅拔唐尼，早喺佢未沉淪兼東山再起之前，睇《再世俏郎君》已經被佢吸引。今次佢係《福》片仲一改以往福爾摩斯係大肥佬嘅形像，做個又型又打得嘅神探，又有另一靚仔祖迪羅（雖然佢禿禿哋）做佢助手華生，你話點可以唔睇呢？
伯明翰自從由本港商人楊家誠做班主之後，亦一改係要護級升班馬嘅形象，近8仗不敗兼聯賽5連勝，目前仲同過氣Big4利物浦共分排第7。不過，以隊波嘅人腳同實力，真係唔似咁高囉，喺周日訪愛華頓時，一於博拖肥糖勝出。
吾中
近5場往績：LWWWW
主客和：愛華頓勝
心得：唔信楊生咁旺