環球歌手張敬軒和SonyMusic的陳柏宇昨日分別出席宣傳活動，而SonyMusic的鄭伊健昨晚也於紅館開騷，不過未知是否因為版權稅的糾紛，活動上只有有線娛樂新聞台及平面傳媒採訪，未見無綫派出記者採訪。
「希望一人讓一步」
在尖沙嘴出席廣告活動的張敬軒坦言今次事件對他明年的個唱宣傳會有所影響，但他仍抱樂觀態度，他亦承認今日不會出席勁歌季選，就連下月的總選他也事先張揚會缺席，他說：「原本我訂咗一件兩、三萬鑲滿鑽石嘅水晶衫出席總選，不過家可能着唔到，本來自己都有信心攞獎o架。不過我相信件事一年內會搞掂，而公司做出呢個決定會支持，但都遺憾見到呢個局面，希望一人讓一步啦。」
而陳柏宇昨日亦到旺角宣傳新碟，對於踏入宣傳期卻發生事端，他就說：「我會企喺公司一邊，其他嘢唔會想太多，亦冇擔心影響唱片宣傳，而且頒獎禮嘅衫都準備好。」
採訪、攝影：馬建華