本月財星
令無數香港人振奮嘅東亞運圓滿結束，〈開倉〉版再同大家見面，因為小弟近期在擂台表現唔錯，所以喺呢度獻醜。
歐聯出局專心攻聯賽
閒話唔多講，即刻畀心水；法甲過去大家都追住里昂嚟賭，始終呢班波人腳齊整又主攻，幾引飛。不過近季里昂已經走樣，今季更反反覆覆，取而代之較正氣嘅強隊，不離波爾多同馬賽。波爾多周六主場對羅連安特，由另一位戰友藍鑽石推介，小弟就轉吼馬賽。周中法甲開快車，小弟貼馬賽W，結果叫到90分鐘，先由蘇利文尼迪亞華拉建功，2:1反勝羅連安特，險開客勝。今次再次作客，對近況低迷嘅聖伊天，信心就大番好多。
馬賽今季由迪甘斯領軍，呢位幫過祖雲達斯升班嘅教頭一向畀到小弟信心，我更認為不出3年內，法國國家隊教練一職，唔係佢就係白蘭斯接手。之前歐聯出局，都唔怪得迪甘斯，事關對住皇馬同A米，正所謂強中自有強中手。歐聯出局，專注本土聯賽，即取得連勝。或者球迷擔心馬賽今場冇單車主場威力，咁又唔使怕。事關馬賽今季作客取分，比主場更多，更屬法甲作客王，當然射手尼安缺陣，多少影響攻力，好彩陣中都有高尼、白蘭達奧、路爾斯干沙利斯等好手。
阿積士多「大」手交易
聖伊天其實係支幾有朝氣球隊，好似穆罕默杜達保、馬度迪都係新星，可惜傷兵太多，馬度馬歷菲爾、辛洛高、奧古斯圖費南迪斯等長期傷兵未復出，聯賽更加5場未贏過，今次對馬賽都係等死。
配腳就揀周日嘅荷甲賽事NAC對阿積士，NAC係近期荷甲入球「大」保證，阿積士攻力當然又唔講得笑，熱捧「大」之餘，總入球玩埋[5]球、[6]球啦。
牽牛
近5場往績：LWWWW