鄭秀文（Sammi）與組合24味日前接受有線娛樂新聞台《秀味相投》訪問，與主持人區永權大談他們合作時的趣事。
自詡實力派
Sammi和24味因合作福音歌曲而變得十分熟絡，惺惺相惜，接受訪問時互笠高帽，24味大讚Sammi聲靚人索，基本上沒甚麼可投訴，Sammi即笑逐顏開說：「我係實力派，24味係偶像派，不過24味係出色嘅音樂人，所以嚟緊演唱會都會搵佢哋做嘉賓，但係佢哋成日用英文溝通，令我跟唔上。」
雖然24味經常唱粗口歌，但Sammi坦言無意嘗試唱粗口歌，又表示從未聽過24味在她面前說粗口。
24味則說：「我哋合作係要互相尊重，所以唔會寫啲Sammi唔適合嘅歌，而且唱粗口歌係有目的，係我哋表演嘅一部份，唔係我哋嘅日常用語。」
撰文：林妃