薛凱琪（Fiona）去年在3個樂壇頒獎禮食盡白果，今年成績卻突飛猛進，更有望在商台的叱咤頒獎禮上摘下女歌手金獎，與容祖兒及謝安琪等匹敵，但對於能否奪獎，她卻抱住平常心，Fiona說：「其實我個人好怕輸，唔想set攞獎為目標，唔通攞唔到嗰啲就係失敗咩？」
薛凱琪去年留守台灣多時，所以在四台頒獎禮中成績一般，僅在新城頒獎禮上攞獎，不過今年Fiona已火速收復失地，今年她更可能撼低容祖兒、謝安琪等叱咤頒獎禮上的常客，有望在商台的叱咤頒獎禮上摘下金獎，現時Fiona在叱咤的播放率更暫時領先其他女歌手，相信到時在頒獎禮上她必入三甲。
怕攞獎壓力更大
雖然被看好會進佔叱咤三甲位置，但Fiona卻抱住平常心，她說：「我有信心，係因為我喺呢一年唱歌真係落過苦功，有變化，其實我個人好怕輸，唔想set攞獎為目標，就算攞唔到，唔代表我冇努力過，金、銀、銅得3個，唔通攞唔到嗰啲就係失敗咩？」
儍大姐性格的Fiona坦言無法想像得獎的畫面，更覺得攞獎後責任及壓力會更加大，因為大家會希望她會做得更加好，她笑說：「好似去頒獎禮嘅謝辭，我都覺得唔應該有planning，所以攞是但一個獎，我都已經好開心，因為我好耐冇參加過頒獎禮。」
愛令人容光煥發
由於今年Fiona在樂壇的成績不俗，令人揣測因為她與緋聞男友房祖名的關係已告一段落，所以更能推動她寄情工作，不過她就大唱反調，還認真表示拍拖對工作是沒有影響的，Fiona說：「拍拖會令工作更加好，會令人開心，容光煥發，唱情歌亦更有感情，事業相對會更加好。我都要愛情，因為我覺得每一個情都唔可以代替。」
採訪：駱華齡 攝影：陳順禎