維珍車隊兼維珍航空嘅老細布蘭森（圖）向來多鬼主意，今次佢就同老友兼蓮花車隊老細費南迪斯對賭，邊個喺2010年F1輸咗，就要喺對方所屬嘅航空公司扮空姐。身為AirAsia（亞洲航空）老細嘅費南迪斯，好有信心可以贏，所以亦提早將布蘭森嘅頭key上身穿AirAsia制服嘅空姐度。呢個大馬人咁話：「如果我贏唔到，我就自殺。」布蘭森就回應：「我真係好喜歡佢，希望佢唔使自行了斷啦。」畢頓轉投麥拿侖同咸姆頓組成英國黑白雙煞，經已搞到下屆F1好有睇頭，家陣仲有布蘭森同費南迪斯呢兩個老頑童喺度搞搞震，肯定大大增加賽事嘅娛樂性。