羅嘉良（撈家）上周六再婚，娶內地有米花旦蘇岩。撈家夫婦最近更各自將歐遊度蜜月的照片擺上blog，蘇岩更興奮到躺在地吃雪糕！
羅嘉良和內地女演員蘇岩上周六在北京共諧連理，昨日47歲牛一的撈家再陪老婆大人返娘家濟南宴客，順便慶祝生日。
蘇岩最近也被起底，有指其娘家有軍方背景，今次豪花80萬的北京婚宴，全部由女家支付，兩人出埠旅行更有私人飛機接載。一對新人婚後的愛巢則築在北京的萊蒙湖別墅，該豪宅面積達3,000呎，價值高達600萬人民幣，也是蘇岩名下。
減食煙準備生仔
二人昨晚再在濟南宴請女方親友，昨日47歲牛一的撈家接受商台訪問時說：「會擺7、8圍，最主要係邀請老婆嘅親友。」
與前妻育有一子的撈家，曾表示再婚後生仔計劃順其自然，一向煙癮大的他近日開始減少吸煙數量，但蘇岩日前卻在網誌中暗示恨做媽咪，撈家這樣注意健康，明顯為生仔做準備。
不過，撈家今次再婚令前妻方敏宜和10歲兒子羅裕珹近日成為追訪目標，他對此說：「最重要係某啲傳媒唔好騷擾佢哋，等佢哋過平靜嘅生活，尤其係我個仔，個仔就冇投訴，因為佢以前同我出街都有人跟，佢仲覺得幾好玩。」
此外，撈家和蘇岩早前到荷蘭拍攝婚紗照，並順道度蜜月，暢遊德國、法國、捷克和比利時等國。他們互相拍了不少靚相，更各自將照片上載到自己的網誌晒幸福。其中蘇岩興奮之情溢於言表，不僅躺在巴黎的草地上吃雪糕，在捷克街頭走到累時，即坐在地上整理鞋子，真性情盡露。採訪：葉雪
