女F4自從解散後，隊員各散東西，而原本話投身電影圈拍戲嘅隊長Fanny最近工作幾乎全面停止，據知佢為咗生計近日竟重操故業做番啤酒妹，前晚記者就發現佢着起一身性感低胸賽車女郎嘅迷你裙喺台灣士林一間海產店做啤酒妹，擁有34G驕人上圍嘅佢喺現場努力賣笑推銷啤酒，仲成日大騷佢副G奶身材，現場有唔少酒客都眼甘甘望住佢。
唔認自己係明星
當Fanny發現有記者喺現場時，即大感尷尬，佢初頭唔認自己係Fanny，仲搞笑話自己比真正嘅Fanny靚，又強調自己叫婷婷，雖然佢極力否認，但佢啲同事就踢爆佢就係Fanny。事後記者打電話畀佢，佢知道冇得再唔認，只好硬住頭皮話：「我還真不知道怎麼面對客人，萬一有人笑我，我怕我受不了打擊，所以客人認出我，我就說你認錯了啦。」