美元升勢予人有種「死過翻生」之感，形勢上梗係不利香港資產市場，港股今輪跌勢，雖偶有反彈，但淡風仍凜冽，同近日天氣轉冷可謂襯晒。
近期股海「走資」迹象越來越明顯，散[!8BFC]亦走為上着，沽盤持續猶似倒水一樣；12月以來港股形勢不妙，有口痕友話基金積極套現，港股要等聖誕節後才有起色。
其實循另一角度睇，升市跌市一樣有股炒，問題係散戶唔易捉。跌市係人都知唔易炒，既然知道，買賣策略就要更加果斷，避免「蟹」得太深時才想到要走，已經太遲了。
逆市搵到隻奇葩中集安瑞科（3899），該股產銷天然氣產業設備，例如裝天然氣（LNG）儲罐、高壓氣體瓶式壓力容器、壓縮天然氣（CNG）拖車等。上半年收入雖下跌17%至4.09億元（人民幣．下同），純利卻升17%至4500萬元，主要受惠商品價格回落，毛利率按年上升7.8%。
天然氣獲國策支持，安瑞科無疑坐享其成，近日該股屢見大手上板，料展開尋頂之旅，首站目標6元，短炒以4.30元止蝕。
方星俠