皇馬球星錢多又夠型，一向都係靚女眼中嘅藍籌股；唔少靚女都會主動投懷送抱，為求成為球星WAGs（即球星太太及女友團）嘅一分子。有人要用盡所有方法，但係有人就唔使做好多嘢，已經可以得到球星嘅歡心。好似西班牙電影藝人阿蘭曼卡，就專向呢班球壇大藍籌埋手。23歲嘅佢唔單止樣靚身材正，性格仲鬼死咁豪放，成日喺劇入面除衫周圍走，係男人睇見都會動心，難怪皇馬副隊長古迪最近都俾佢成功俘虜咗。聽啲西班牙行家講，佢哋兩個係喺夜店度一見鍾情，仲一吻撻着㖭！但係，其實阿蘭曼卡唔係普通藝人咁簡單，佢仲有另一個身份，就係古迪隊友沙治奧拉莫斯嘅舊愛。不過話雖說回頭，家佢哋兩個都係單身，其實一齊都冇咩問題。何況古迪同拉莫斯老友鬼鬼，鍾意嘅，執吓二攤又有咩所謂！