尖嘴河內道大型商場K11今日正式開幕！聲稱為全球首個購物藝術館的K11，場內藝術品多，更有多個國際品牌和特色食肆首次進駐。跑進日式鐵板燒爐端燒店，點解要經過小超市？就是讓你自主揀心水靚餸交畀師傅炮製囉！
記者：梁美甜
攝影：梁細權
Model：Paris@PureModels
自己揀餸
拍攝當天小超市返的帆立貝超巨型，有如Paris雙掌般大，鱈場蟹腳更長如前手臂！
和式海鮮檔
吋厚手掌大帆立貝
首次在港設店的日式鐵板燒爐端燒AKU，甫入店即見小型超市，售賣蔬果及海鮮肉食，大多是日本空運抵港的新鮮貨，巨型北海道帆立貝、神戶和牛扒等，色澤度新鮮度都是靚貨，食客揀滿一籃，並非帶回家煮，而是交予師傅作鐵板燒或爐端燒，又或坐定定之後，鐵板枱和爐端燒枱前也有大堆海鮮和食材揀，指一下，師傅就會即席烹調，有點像我們在西貢海鮮檔揀啱海鮮交予酒家煮，日式食肆可自選心水食材絕對少見。店舖有四張容得下十多人的鐵板枱、兩張十多個位的爐端枱兼刺身吧，嗜海鮮者最開心，鹽燒鱈場蟹腳隻隻長若前臂，簡單以海鹽調味已極鮮甜！
日本帆立貝$138/隻
北海道珍寶帆立貝每隻比手掌還要大，粒粒肉都成吋厚，燒好後加清酒及上湯煮成的汁，肉甜又爽口！
長杖傳菜
師傅將烹調後的食物，以訂製8呎長飯杖送到客人面前。
鹽燒鱈場蟹腳
$238一客得兩三隻蟹腳似乎不夠多，但隻隻如前手臂般長，去殼後更啖啖肉！
鹽燒神戶牛肋筋$300
取和牛肉眼扒底的筋位，師傅話每隻神戶和牛約有12條肋筋，一客三條夠足料，燒後肉質軟腍兼具油香。
大蝦皇卷$198
8吋長大海蝦以天婦羅做法先炸再配蔬菜做成反卷。吃時蘸沙律芒果醬，香口爽脆，味道複雜有層次。
AKU（27392088）1樓119舖
新場搵食
銀座珍豚美人首插旗
在日本已有82年歷史的著名吉列豬扒店銀座梅林亦首次進駐香港。銀座梅林首設於東京銀座，其標記「珍豚美人」極為經典，據說吉列醬汁就是其1927年以香料、鮮果和蔬菜首創。餐廳賣點是採用極品黑豚肉、自家研製麪包糠等靚食材烹調。招牌菜有吉列豬扒和豬扒三文治。
梅林豬扒三文治
$68日本總店首創的吉列豬排三文治，一出大受市場歡迎，更掀起坊間抄作風。
吉列豬柳定食$138
採用宮崎或鹿兒島豬柳，配招牌甜醬汁食。
銀座梅林（31224128）
地庫B124舖
肚皮舞伴食絲綢大盤雞
AlPasha賣的絲綢之路菜，也就是中東菜，必試有各種串燒，以兔肉、鴕鳥肉、馬肉等食材炮製，以及極具風味的大盤雞等。餐廳裝修以中東古城為主題，每晚有熱情肚皮舞表演，恍如置身西域！
新疆大盤雞$98
以多種香料炮製，香濃惹味！
AlPasha（31224444）
4樓401舖
二千萬元周圍放
「購物藝術館」內當然有不少藝術品，且全都是策劃人鄭志剛的私人珍藏，總值逾二千萬港元，於商場內任放任睇。
K11（31188070）
尖沙嘴河內道18號