花旗股市前晚微升，但係觀望情緒濃厚。奧巴馬會見12間大銀行頭頭，叫佢哋借多啲錢出街同埋唔好阻撓金融改革，不過在商言商，加上好多銀行已經還錢畀政府，班banker好難會聽話。
港股噚日跌271點，不過仍屬上落市，暫時都係炒個別，可以留意煤炭股。
神華C輪16949：神華（1088）昨收38.55元，升0.7%。股價喺10日同20日線樓下橫行4日後，噚日終於向上突破，炒上睇45元，可以諗吓隻C輪16949。
隻輪現價93仙，2010年3月30日到期，行使價30元，溢價1.9%，引伸波幅47.1%，有效槓桿3.6倍，正股升上45元，16949有機見1.52元，如果正股跌穿36.50元，就沽咗隻輪止蝕。
俊樺