隨着公民黨執委會昨晚作出最後決定，拍板去馬五區公投，泛民陣營持續多月有關五區公投的內部爭拗總算告一段落。有支持公投的泛民中人指出，公民黨和社民連的下一部行動，除了盡快籌集公投選舉開支、組織人手之外，還要盡快修補五區公投爭拗中泛民受損的形象，否則難以推動公投。
有泛民立法會議員承認，今次推動五區公投令泛民陣營出現嚴重分歧，也引發泛民支持者之間分化。
分歧嚴重 前所未見
他說：「不同陣營間嘅泛民支持者，對五區公投立場好分歧，有人話一定會出嚟投票，又有人話一定唔會出嚟投票，以往從未見過咁嚴重分歧，對泛民唔係一件好事。」
該泛民議員認為，若要成功推動公投，不可單靠支持公投的泛民支持者投票，還要說服現時不認同公投的泛民支持者站出來，故此公民黨和社民連必須修補泛民形象，以及安撫反對公投的泛民支持者的負面情緒，「家已經唔需要再拗，既然決定去馬，相信冇人想公投慘敗，咁就要拉攏原先反對公投嘅泛民支持者出嚟投票，呢個先係最重要，若果呢班選民唔出嚟投票，咁就點搞公投都死。」 本報記者