美國總統奧巴馬較早前訪華引起一陣旋風，佢細佬馬克今個星期六亦會「旋風式」訪港。馬克係奧巴馬同父異母嘅細佬，喺肯雅出世，美國讀書，30幾歲人落戶深圳，經歷都幾傳奇。
佢最近寫咗本自傳小說《從內羅畢到深圳》，書裏面冇爆奧巴馬嘅料，但就有提佢老竇，亦即係奧巴馬生父，寫到阿爸經常飲醉酒打老婆同打仔。新書星期六喺香港發售，Dymocks書店當日請埋馬克嚟香港，由上午11點到下午4點半，先後喺跑馬地、灣仔、中環同尖沙嘴五間分店為讀者簽名，有興趣攞美國總統──個細佬簽名，可以到Dymocks買飛，每張飛連書賣190蚊。