【本報訊】「大家唔知道佢哋（運動員）嗰種艱辛，係唔知道嘅……」，香港羽毛球隊總教練陳智才提及今屆東亞運包辦羽毛球女子單打金銀牌時，感觸落淚。在缺乏政府全力支持下，本港運動員的辛酸確不足為外人道，東亞運足球隊隊長歐陽耀冲亦慨嘆，香港足球一向不受重視，希望今次摘金可讓人知道港足仍有希望。
陳智才昨分享東亞運羽毛球隊的成功時，憶述女單決賽「黑妹」葉珮延對周蜜的決賽，「初時以為戰況會比較平淡，因為係自己人，點知打到好激，家諗起仲好激動。」他透露黑妹賽前七日仍在發高燒，周蜜因傷已有兩個月沒正式訓練，但為港爭光，仍一直撐下去。
「好多觀眾又好、傳媒朋友又好，係唔知道佢哋嗰種艱辛，係唔知道嘅……」，陳智才隨即流下男兒淚，在場人士以掌聲支持及安撫後，他說：「昨（前）日都冇喊，唔知點解……」，正因明白運動員鍛煉的艱苦，他希望政府加大力度支持羽毛球發展。
歐陽耀冲：摘冠似場夢
同場的歐陽耀冲亦說，雖代表香港，但政府現仍未有一個專用足球場供他們練波，他感慨足球在港一向「冇乜地位」，東亞運前亦「俾人睇死」，「一開頭10個有10個同我哋講，你哋冇可能出線」，令他與隊友亦打定輸數，「2號入酒店集訓，諗住8號（分組賽出局）出返嚟，球會都諗住9號開始（返球會）練波。」他表示，至今很多隊友仍不相信已贏了冠軍，仍覺得「好似發咗場夢。」