原本唔重要、俾人睇唔起，忽然變成港人大事，風向真係可以轉得好快；人生有時就係不停需要一點驚喜、一點冀盼，真正喜歡體育嘅人感受尤深。英超，維拉近年一直默默耕耘，默默收土炮優質兵，都係為咗一個行得好近、但從未得過嘅歐聯席位；今季乘英超亂局又有得博吓咯，今晚強勢作客新特蘭，唔好俾佢停，跟紅頂白，平手盤可捧。
本欄小休個多星期，但其實體育組全體同事冇停過，由朝搏到晚，東亞運由開幕前俾大家睇唔起，冇人理；同港足平地一聲雷，越戰越勇而引起全港矚目，我哋辛苦啲都係值得嘅。畢竟唔係成績有幾巴閉，係體會到戰意可以令人發揮小宇宙，做出意想不到嘅成績，比賽好睇好感動唔一定齋講競賽水平嘅。
講番英超。講好睇，維拉一定唔係嗰皮，但剛戰能作客贏到曼聯，戰意凌厲；家暫時能夠躋身Big4，當然拜利記暫時處於低谷。睇開本欄也知，小弟一向唔睇好曼城，而熱刺主場擺強陣居然可以輸畀狼隊，印象分大減；點計，擁超班雙翼艾邦拉荷同艾舒利楊格等嘅維拉，今季又會好近。
今晚佢哋撼主場特勁、但近期跌watt嘅新特蘭，只要唔好太心雄搶攻，再用穩守突擊，坐和望贏可以做到，周中英超開快車，波友邊有得唞呀！（下次見報日：周三）
文：Leung
簡介：不理盤路，不信陰謀論，最重勤力睇波，跟足軍情，吼準一擊。
今日精選
星期二2阿士東維拉（平）
星期二2阿士東維拉勝2:1（9）,3:1（17）x
星期二7曼聯勝3:0（7）,4:0（9.5）2x3
簡評：玩完東亞運，要重返英超戰場了。