記唔記得我求大俠曾經封過曼城前鋒泰維斯一個外號？無錯嘞，就係「租霸」。泰維斯效力曼聯時，曾經將球會租畀佢嘅大屋，搞到烏煙瘴氣，隻狗又咬爛梳化，牆又花晒。勢估唔到，唔夠一年，呢位阿根廷國腳家住嘅新屋，居然靚到攞獎，當選為英國最華麗家居。自從轉會到曼城後，泰維斯就自己出租錢，用12,000鎊（約15萬港元）租住位於柴郡嘅一間約370萬嘅5房大屋，外牆以藍、米色為主。內櫳設施更加齊備兼高科技，好似泳池就具備水底音響，可以一路游水、一路聽歌；亦有私人影院，得閒睇吓影碟紓緩壓力。可能「租霸」今次自己掏腰包租屋，所以先保持得咁靚。