好多年之前曾經嚟香港發展過嘅內地歌手毛阿敏，早幾年突然退出，聽聞佢秘密結咗婚，但係近日毛阿敏又復出唱歌，於是又傳言四起。近日內地有報道話原來毛阿敏老公係黑龍江富豪，但係因為毛阿敏多年嚟要老公出錢力捧細佬做歌星，結果花錢之餘又傷兩人感情，結果就搞到兩人離婚收場。