何超瓊（Pansy）和超鳳前晚在尖沙嘴出席音樂會。Pansy日前透露賭王有望出院，出席澳門10周年回歸活動，她前晚略改口風說：「家有啲阻滯，有部份人唔想佢參加。」記者問其家族成員未有共識嗎？她說：「係呀，成件事佢嘅意向係想去，我哋都想完成佢呢個願望。」
可吃固體食物
Pansy昨日在澳門出席Gucci新店開張時，再透露賭王身體近況，她說：「佢家食得固體食物，鍾意食熱辣辣嘅嘢。」
Pansy又透露賭王家中醫療設備已準備妥當：「今次會最好，要一勞永逸，雖然使費可觀，我哋唔係要裝潢，要實用性高。」問會否多請看護和怕不怕再出現疑似五太事件？她說：「要請，仲要24小時更數，佢哋好專業，問題唔嚴重。」二姨太藍瓊纓、超鳳和超蕸昨到養和探賭王，彤叔夫婦也有現身，但他沒透露是否探賭王。
採訪、攝影：顏英儀、梁錦雯