廉署聽日舉行第四屆國際會議，今屆首次同歐盟委員會反欺詐調查局合辦，集中探討企業營商管治同專業人士操守嘅問題。會議總監阮律文話，唔少演講嘉賓首次出席會議，包括參與偵查馬多夫世紀大騙案嘅美國FBI官員、俾金融海嘯重創搞到要破產嘅北歐國家冰島嘅金融監管機構官員、中國銀行總稽核黃定堅等。
會議吸引近400位來自38個國家和地區同機構嘅人士出席，同上屆差唔多。
大會紀念品係廉署年報一本，大家咪以為好寒酸，阮律文話年報好受海外參加者歡迎，係好搶手嘅紀念品，「因為唔少國家地區仍然未有獨立反貪執法機構，所以佢哋都希望喺年報裏面取經學習。」