港股上禮拜五食住花旗股市升勢急彈，但高位有回吐，收市升幅收窄至202點，收21902。當晚花旗股市再升，道指有勢突破10500關，睇嚟今日港股大幅炒高嘅機會好大。
黃金係今年備受注目嘅投資工具，近排回吐幅度唔小，有機會挾番轉頭，又係留意金股嘅時候。
紫金C輪16568：紫金（2899）上周五報收8.24元，升0.4%。股價守住50日線已經5日，如果上破8.60元睇9.30至9.80元，可以諗吓隻C輪16568。
隻輪現價21.8仙，2010年9月29日到期，行使價7元，溢價11.4%，引伸波幅57%，有效槓桿2.6倍，正股升上9.80元，16568有機見33.8仙，如果正股跌穿7.60元，就沽咗隻輪止蝕。
俊樺