天地數碼（500）嚟緊星期二舉行EGM，表決出售機頂盒事項，又要。天地數碼計劃出售機頂盒業務，最多可以套現3.3億銀。要咁睇，一旦EGM通過及出售之後，集團再無非常核心性業務，但連同6月底嘅現金，集團手頭現金將高達7.4億銀。就算扣埋銀貸，每股淨現金都高達0.54元，同現價睇齊。集團銀両咁多，有博派特別股息嘅憧憬。
再講，中信集團又份屬天地數碼大股東（揸2.37億股，或20.88%），天地數碼有咁雄厚嘅股東背景，加埋本身核心業務出售，對於集團係咪大變身，又多咗唔少聯想。趁集團呢期股價回落到近半年低位，一於兜轉底，博EGM通過，兼上番上個月高位0.78元，潛在回報率44%，但目標價PB，仲係低企1倍樓下。
麗豐大折讓超抵買
麗豐控股（1125）最新NAV0.9元，現價0.295元折讓67%，市場咁多隻內房股，仲有咁大折讓嘅，十隻手指數得晒，麗豐係其一。又麗豐09年度（7月底止）純利翻一番到4億銀，而集團到今年10月底，內房物業預售額已經上到7億銀，內房熱銷，2010年度繼續肥仔水。呢轉短打，博折讓係咁意收窄到60%，麗豐價見0.36元，潛在回報率22%，有魚有肉。
錢雋