東亞運動會足球決賽香港隊對日本隊，昨日在大球場舉行，譚詠麟、謝偉俊與趙世曾等專程來捧場，當看到港隊不負眾望，苦戰下最終贏得金牌，大家都表現得很振奮，而剛與南華首席射手陳肇麒（陳七）緣盡的無綫女藝員李綺雯（o靚妹）卻冷淡表示不會觀看賽事。
在眾志成城下，香港足球代表隊戰勝了日本隊，全城振奮，一向是曼聯迷的李克勤，由於老婆盧淑儀有身孕，故此要陪伴愛妻留在家中，未能和譚詠麟等人到大球場為港隊打氣，但他全程和老婆在家中看電視直播，克勤事後接受訪問時仍難掩興奮心情，他說：「真係勁開心，我好想去現場睇，但因為老婆唔方便，所以留喺屋企睇，見到咁嘅賽果真係相當之開心。」
阿倫大讚土炮勁
昨日到場打氣的譚詠麟（阿倫）在電話中說：「好開心，香港隊一向俾人話少爺兵，成日搵外援，今次呢隊兵全部都係土炮，能夠贏咗係歷史性時刻，正好話畀大家聽唔使靠外援，香港人一樣能夠做得到。我睇到好緊張，嗌到聲都沙晒，聽日都唔知點去錄音。」許志安則說：「當我喺車度聽到贏咗，真係感動到喊，上一場贏韓國係奇蹟，今次直情超額完成，港隊真係創造傳奇一刻。」
出外景唔睇波
以立法會議員身份在場觀戰的謝偉俊說：「能夠親眼睇到香港代表隊喺自己嘅地方攞金牌好興奮，有意外驚喜，感覺上日本會高少少，但班後生仔真係打得好好。除咗可以搞呢啲活動推廣香港，仲可以增加香港人歸屬感。入波嗰位球員陳肇麒嗰張5萬蚊頭等機票好抵。」
無綫女藝員李綺雯（o靚妹）與南華首席射手陳肇麒（陳七）的戀情見光死後，陳七火速撇o靚妹，重投正印女友Natalie身邊。雖然與陳七已經緣盡，但昨日陳七為東亞運動會足球決賽奪金牌，o靚妹語氣平靜說：「今日我要出外景，要做嘢，唔會睇啦！港隊贏波個個都開心，踢波係teamwork，贏波個個都有功勞。」始終沒正面恭喜陳七。
採訪：比華利、何永寧、朱志聰
攝影：朱志聰
