張敬軒、方力申和江若琳等昨日到荃灣廣場出席新城頒獎禮拉票行動，有指環球、華納、EMI和Sony因有感無綫不打算向唱片公司付版稅，打算聯手封殺無綫。身為環球歌手的張敬軒說：「我未證實到呢件事，但係覺得萬大事都有得商量，（封殺）唔係唯一嘅解決辦法。」
問軒仔可覺得事件可會影響歌手？他說：「我都係打份工，要睇公司點做，同埋我喺環球有個行政職位MusicTrader，身份比較複雜，但係我估幾間公司都會顧全大局。」
小方：大家合作
方力申則說：「香港電視媒介唔多，TVB對藝人嚟講好重要，無論點都一定會有一個好方法去平衡同配合大家。」問到可覺得對唱片業會雪上加霜？他說：「娛樂圈好怪，可能好快就諗到一條血路，不過香港地方細，真係需要大家多多合作。」
採訪、攝影：藍文浩