「最慘係，被一個牙都唔齊的阿伯濕吻！」這是近期最形象化而驚嚇度達五粒星的新聞。不用看圖片中的主角，馬上聯想到經常出現的巴士阿叔crossover維園阿伯。
阿伯冇「牙力」，肯定不屬於隱形特首那四大地產商，不過其實睇真些，這些有實Ｑ擦鞋喝罵市民不准在他們「買起」的物業範圍拍照的有錢佬，身家的確有數不完的億，一口牙齒，倒沒有這麼幸運，四萬咁口見報的，永遠是一望而知的Ａ貨。闊佬跟一個上環阿伯骨子裏最大的共同命運就是，風水雖然你那邊獨好，但牙關這回事，不能跟天鬥，貧富殊途同歸，到了某個年關，口腔點跳，都跳不出0這個數。假牙，剝下來再照鏡看看，十個阿伯九個都係咁款。跟這樣的對象濕吻，或者遭強迫濕吻，到底有什麼不同，應該問一下娛樂圈女星。被包養理所當然包括濕吻，感覺有幾慘呢？有沒有牙，牙齊不齊全，會影響包養費嗎？有錢佬這麼着緊風水，他們那口零落不齊的牙，是不是一定要湊夠幸運8數？剝牙植牙那一天，要不要揀靚時辰才開刀？
塞安老院婆婆吃糞、遭牙都唔齊阿伯強行濕吻，這兩樁新聞，就算不是「動新聞」，核凸程度也夠破紀錄了。年尾流流，再鬧出幾件類似的社會新聞的話，五區總辭、阿甘麗珠、東亞冇運等等的頭條，準備被擠出年度十大要聞以外吧。