一直「通緝」煲呔，呼籲佢出席丹麥哥本哈根氣候會議，唔好做「氣候逃犯」嘅綠色和平，去到哥本哈根繼續「刮」煲呔「氣候英雄」Natalie喺哥本哈根四出問人，打聽煲呔身在何方。Natalie喺當地搵咗啲老外，問大家知唔知道香港特首去咗邊，點解唔到丹麥開會。人人都話唔知，質疑佢扮無知，唔關心氣候變化問題。八方有答案，煲呔留喺香港行工展會同睇波。
綠色和平資深項目主任張韻琪指香港喺減排措施上表現縮骨，對應付氣候變化無承擔，官員聲稱同其他國家分享制訂應付氣候變化策略及措施經驗，係荒謬同不自量力，令香港成為減排「東亞懦夫」。