唔做公務員轉做政治任命高官，推銷政改方案嘅政制及內地事務局副局長黃靜文，噚日出席立法會政制事務委員會會議，物非所值副局長表現如何，市民有目共睹，但議員噚日卻盛讚黃靜文！
話說黃靜文噚日為政府落實《消除一切形式種族歧視國際公約》辯護，不過議員唔係咁睇，批評政府對好多歧視現象視而不見，黃靜文好似上司林D9上身咁，即場表演人肉MP3絕技，將官方口徑翻來覆去講完又講，堪稱新一代廢話王，長毛忍唔住大讚黃副局，話好戥林D9擔心，「黃靜文能力非常之高，係背誦能力非常之高，林瑞麟真係危矣。」吳靄儀則指兩部人肉MP3齊齊發功，林D9如虎添翼就真。