視帝黎耀祥昨日與Big4的許志安、張衞健、蘇永康和梁漢文，在將軍澳電視廣播城為無綫籌款節目《歡樂滿東華》拜神。祥仔談到和鄧萃雯的緋聞又有新炒作，祥仔坦言有點煩：「我冇睇過啲封面，反而有好多朋友睇完都打嚟笑我，初初以為玩完一期就冇下文，點知其他人又繼續寫，沒完沒了。」
「太太有唔高興」
祥仔續說：「唔好搞到咁肉酸喇，不如話埋添哥（李添勝）同雯女發展忘年戀，之後加入胡定欣、謝雪心同敖嘉年，我同雯女大家都識咗咁多年，香港地方又細，如果係有嘢又點會影唔到？我太太都有少少唔高興，對啲報道都有少少遺憾。」不過祥仔表明不會避忌，他說：「我同雯女都係專業演員，有金剛不壞之身，唔會影響拍戲時嘅溝通，我哋嘅目標係拍好添哥嘅《巾幗梟雄2》。」
許志安則談到被指與鄭秀文（Sammi）調情兩小時，他說：「我哋係同一個排舞師排舞，所以有傾偈唔出奇。」會否擔任Sammi演唱會嘉賓？安仔說：「呢啲嘢留番畀Sammi自己講。」
採訪、攝影：何慧斯