周秀娜前晚在海洋公園主持聖誕樹亮燈儀式，又試玩新遊戲，她穿上滑雪裝坐上水泡在極速冰雪滑道上滑下，最後還欣賞特別在聖誕推出的魔幻冰上滙演，周秀娜邊看邊大拍手掌，十分開心。
自愛唔會吸毒
問到聖誕如何度過，周秀娜說：「喺香港做嘢，不過應該都有空檔同家人、男友嚟海洋公園玩。」問她可有準備禮物送男友？她說：「未買呀，都未諗到。」
談到o靚模吸毒事件，周秀娜說：「呢個係個別事件，我啲朋友唔會接觸到呢啲嘢，最重要係潔身自愛，減壓都要搵一啲健康嘅方法。」
周秀娜謂常與男友一起運動，跑步、游泳和滑雪是她的減壓方法，她說：「我最想收到嘅聖誕禮物係去旅行，我好鍾意滑雪o架，不過實現唔到。」
採訪、攝影：楊潔雯